#Tadbir

 Қизириқ тумани ҳокимлигида навбатдаги маънавий-маърифий тарғибот тадбири бўлиб ўтди.

 Тадбирда Вилоят тарғибот гуруҳи аъзолари, Дин ишлари бўйича қўмита, Имом Термизий халқаро илмий-тадқиқот маркази вакиллари, туман ҳокимлиги масъуллари ҳамда маҳаллий фаоллар иштирок этдилар.

 Тадбир давомида Имом Термизий халқаро илмий-тадқиқот маркази директори ўринбосари Каромиддин Жамаҳматов томонидан фуқароларнинг виждон эркинлиги, динлар ўртасидаги бағрикенгликни мустаҳкамлаш, шунингдек, диний соҳага оид давлат сиёсати ҳақида атрофлича маълумотлар тақдим этилди.

 Тадбир якунида иштирокчилар диний эътиқод ва виждон эркинлиги, турли оқимларга нисбатан онгли ёндашув, ҳамда бу борадаги давлат сиёсатининг мазмуни ва аҳамияти ҳақида кенг тасаввурга эга бўлдилар.